يبستان الهله

الجمعة 05 تموز 2019 165

   يبستان الهله
منذر زكي
 
شَد حيله اوفرح هل الموت
عشگت عينه الكحَيله
مَر عله الطرف ينشد
رايد حلوة الشيله
شَد خيله...
ابسرايه الخيل
وطيوف الظلام عله السرج غنتْ
وچفوف المنايه اسيوفهه اتحنتْ
هد حيله...
 ابشواطي الموت
ونياب الصخر تلهم
تعت بيه اعله باب الروح وتلعثم
وكول احاه....
وكول احاه...
ودفوف الصهيل اعله الجفن تلجم
مر بيه وخذاني الخوف
فركة نجم علحنج مترسم
يبستان الهله وعالجرح وتعزم
يصيح الناي بضلوعي
ونه الملجوم لغيابك
يمرني الصوت
مامرتاح...
شومطرت علينه ارماح
وسيول الحزن تشتاح
مامرتاح....
كابوس المقابرصارله اجناح
ياموت اللچمني اوراح
ذبل صبح الجميله اوطاح
مامرتاح....
خذ مني الحلاة 
اوباگني الهيله
مامرتاح...