نصي ليل ونص صبح

الجمعة 12 تموز 2019 49

نصي ليل ونص صبح
جبار عودة الخطاط
١
يا عاشورنه
الخيّم بروح سنينّه
المحسوبة بالشوغات
وينه العيد؟!
هلبت نكسر گليبه  
ويجي شايل صواني الصبح 
بالصوغات
 
٢
أبوي الـﮔمر
وأمِّي الشـَّمس
إتقاسموا تفاحة حمره
ونزعوا أوراﮒ العنب
وعلـﮔوا إشموع الونس
وخلفوني
وصرت شاعر
نصي ليل
ونص صبح
روحي ريحانة ضوه
والجسم داير مداير
وﮔف على روحي حرس
وروحي من طبع الي بيهه
إتنث على الوادم
قصايد
بيضة مكتوبه إبهوه
والهوه بجرحي جنح
والجرح عندي فرس
والشعر عندي جرح
ينزف أحلام
ومكاتيب
وعرس