رايح وين

الجمعة 26 تموز 2019 145

رايح وين
محمد السلطاني
بمشابك اغروب وكاع اتسلهم بيه رازونه
ومتانه اعله سچة طيف
خطار الضلام اعمه
اهلهل للسلال اعثوك من تتغاوه با المامش
واتهندم شراع وماي من اسمع سفر طارش
بلهاة الساجيه نوخنه هودج ماي خاف الكيض ياخذها
وچحتنه الغيم ركيضه بلكي ايعجل ابجدمه
رايح وين وبروحك سفر دخان
تاه ابزفة النسناس
اخذني وياك نده اعله اخدود وركة ياس
اخذني وياك 
نعمر كل ارض زيتون 
ونكره كل خشب شد اعله زنده الفاس
ولو ماجيت
وماتت چم مناره ابحسرة الأذان
مرواحك خشن والعمر من فلين ابحلك النار ذريته
وعلى غصن الرمش تانيت جنح الطيف 
ليش اجناحه كصيته
اسجد للشمس فانوس من تنشرب وشلة ليلل باخر كاس 
من ايهلهل الشباچ مشراگه
اشتريني انفاس 
وضمني بيا شليل اتريد 
ضمني لفشلة الريه
وبالك في المرايات يندار بهوه النيه
وبالك فشلة الكيعان من تشرب بطاسة كيض ذلتها