عيد اليكتفي بمرسال

الخميس 08 آب 2019 690

عيد اليكتفي بمرسال
إيمان الكوفي
 
عيد اليكتفي ابمرسال
غريب وباهت اهلاله
لانه بعيد عن عيني
دعيت اخيالي واخياله
على طوله اشعلت طولي
وهج لاله
تلوذ ابستر من شفاف
توج وتنطفي اكباله
ولعبت وياه ختيله
نار وجف هوه ولليربح اجماله
اضم روحي ويصيح الشوك
جن شوكي ايتراواله
طبع لاله حلالي من النفس شمه
على كل الهوه ماجوز
ومحبته مالها جاره
كمره وغنج جوريه
ومخدة عطر مابين الجتف والخد
تزاعلنه تراضينه
اختلفنه انكوم طول بطول
نلعب من صدك وبجد
اعله نار مسامر الشهكات
ومدافع مساكنها
ايتكاون ضلعي وي ضلعه
شمرنه الحجز والفزاع
ماضل للمكاون حد
عزفنا اعله الوتر نوتات ممنوعه
ابتدعها احساسي واحساسه
على جمر الصده النغمات
كلما كيضت تصعد
حلم راكز بوجداني
وخطر ياما خطر باله,,,
عيد اليكتفي بمرسال غريب وباهت اهلاله