باب الحلم

الجمعة 20 أيلول 2019 183

باب الحلم
صباح الهلالي
 
دكيت باب الحلم 
بس ردت اشوف الطف
شفت الكمر من عطش
بس جفه لاح النهر
رد للسمه بلا جف
والكطع جف الكمر
من كثر خوفه عمه
يلطم بديه عالدف
هناك يصرخ نهر
يصيح ماقصرت
نهر الضماير جف
ركبه شفت من ذهب
اتهلهل بلا وعي
ع السيف من تنزف
وهلال توه انذبح
بكماطه ينزف ضوه
وكلب السمه
 اعليه رف
وذب روحه خيط الضوه
زغرت بعينه الشمس
فوك الحسين التف
حاولت ردت افتهم
ما ادري بيه الخلل
مدري الخلل بالحلم 
معركة المات انتصر
والظل عدل ينهزم
السيف طك ركبته 
صارت مناره وعلت
بالسيف صار الثلم
حاولت ردت افتهم
راس اعله سن الرمح
تبجيله لو من صخر
والراس الك يبتسم
حاولت ردت افتهم
ردت ألم روحي وافز
بس بين اديه الحلم
اعذرني يا سيدي
ماكول يا ليتنا
اعرف بروحي انهزم