قنديل

الجمعة 27 أيلول 2019 83

قنديل
سعد صاحب 
 
يكلوب الوحيد هناك / طافي من القهر طافي / يا تيل الطفولة الينتل الوكحين ما انساك / ساعات المطر مرك جدم حافي / يا حايط رطب غركان وسط الماي / يا حايط عليك خطوط ادين هواي / تكتب ذكرى ماضيهه الجميل وياك / عبارات الشعر والشوك والاحلام والوجدان /  من كثر الجدح كل يوم للدفان / تاخذنه ويظل هذا الكلب يهواك / يا حايط بعد لليوم ما مرت عليك الوان / مامرت عليك غيوم / ما مرت عليك نجوم / يا حايط بعد لليوم موحش ماصرت مدروز / نفس ذاك الحفر نفس التقاطيع / نفس سرب الحمام الطار فوك من 
الينابيع.