أيام المحبّه

الأحد 20 تشرين أول 2019 213

 أيام المحبّه
   
 
شكر حاجم الصالحي
روحي إشبيها هاي الروح 
ملتاعه اعله فركاهم
ما تفعل تبطّل النوح
إلاّ تروح وياهم
مسكينه نست الجروح
بس ما يوم تنساهم
ما احسبنه الزمن يندار
بينه والحلم ينهار
احنه اللي ربينه ازغار
ما نكدر بليّاهم
يا وسفه وألف وسفه
معقوله الوفه يصفه
جفه والخطوه مختلفه
والله ونبقى نهواهم
أظن ما نلتقي ونعود 
ليّام المحبّه اردود 
وتفوح الليالي اورود
عيد ايصير ملكاهم