أمل

الثلاثاء 11 حزيران 2019 225

أمل
حيدر محمد التميمي 
أمل باني عله جيتك يرد حيلي وياك
ويرد يعله الخضار ويكبر البستان
 
يالطبعك حطب هفتت ناري شبيك
عشت فركت الذله وفركت البردان
 
من كتلك أضمك جذبيت عليك
ما ضماله طيف بنومته الميزان 
 
مابي فايده معاتبي وحجيي وياك
طين ابين اضافر خرمشه الغركان
مرواحك تعب بس حنطتي اتانييك
غشيم ومن دبّر شكيتها القمصان
 
وأسومر وارتعش ووكع ندى عله الجام
واضم سوايتك جلمه بحلك خرسان
 
بفركه ثنينه وما عشنه مرتاحين
مثل ليل اليمر مسجون والسجان
 
يالطبعك كهف نفس الحجي ترد بي
وارد بروحي الومن ردت الفنجان
 
وانا من اعثرت ميزت نيتك زين
تندل الدرب من تعثر العميان
 
وبقيت الوحدي وبين علي فركاك
لمن يضل وحده يبين النيشان
 
من سألوني عنك كلت متصافين
بس بالفوز يحجي مبين الخسران