شذرات

الجمعة 29 تشرين ثاني 2019 333

شذرات
جواد الدراجي
 
1
لا يشبه نهاري الناس
لا ليلي نعش ونموت
آنه,وصفنتي الباتت
خيال من الصواني
بلوحه من الياس
دثرنه المطر نوبه
ولمعنه بخنصر الدمعه
شذر من ماس
2
ليش نيتكم جرح
ليش ذريتو ..النسيم
الجاي عالريه.. ملح
والستاير صلبت الشباج سكته
والظلام تبختر بكل طول
جي ماكو صبح
روح وأحلام .. الشعلناهن.. شمعنه
والعمر .. فانوس يطفه
ولا همس نجمه الشفت منكم بصح
الدمعه من تنزل فلاحاجه لشرح
الموت .. من يحتل ضمير
تلكه ذاك بنادم ..
بكل عيب .. كل فشله سمح
 
3
وين لمتني الصدف والدنيا عوز
وطشرت عمري أعله واهس شوفك
صدكت حلمك فرد نوبه ومشيت
وجذبت طين العطش
بجروفك