رغبة صغيرة

الثلاثاء 28 كانون ثاني 2020 176

رغبة صغيرة
ابو سرحان
للريح ...
للطيف الكبر بين المطر والريح ,
اخذني انسافر انسافر ,
روحي بكل تعبهه تصيح :
للريح للريح للريح !
وفتك الحلم بابين وصرت شراع ,
على جرف الملامه وحركة بنادم ,
حبيبتي السمره نزعت سواراتها الفضة وبجت ,
وظمتلي التراجي والدموع واخر اسراري ..
شسوي انه ؟!
شسوي انه ؟!
لون كل الورود الطايحه اعلى الكاع ذبلانه ...
شسوي انه ؟!
بجيت وما بجت عيني ,
بجيت وما بجت روحي ,
نخيت اخر جرح ما غمضت عينه ...
ابجيلي ابجيلي ...
بجه وطاحت الدمعه ذهب ع الكاع !
وخضرت روحي ورد ع المزهريه بساع !!!