گطرة أكبر من مجرّةْ

الثلاثاء 18 شباط 2020 186

گطرة أكبر من مجرّةْ

جبار عودة الخطاط 

 
 
 
العراقي دمعة الله
وفاضت بأرض السواد
گطرة أكبر من مجرّةْ
بوسع گلب امي العگب موتي مِكِدرَةْ
ولو ولاها الضيم صارت كلهه حسرةْ
كبّرت من خضّرت دجلة وفرات
العراقي سرب من شبّانّ 
عدها العشگ سولةْ
حتى من تموت عدلةْ 
وضِوَه أسود يسرح إعلَ الراس گذلةْ
واليطيح يصير نخلةْ
وكل فخاتي العشگ بيها موكّرات
العراقي نخلة الله
اشما تگص منها سعف 
ترجع تخضِّر علم بسم حسين حالف 
ما تهز خشمه العواصف
والعثوگ البيها تلولح مصاحف
وعالمهانة لو تحداه الردي لا ما يبات