ديرة ليل

الأحد 10 كانون ثاني 2021 217

ديرة ليل
فيان البغدادي
 
 
تعال.. بروحي وشلة شوگ
ظلّت...
والعمر فرصه
تعال.. النوح من العين
ماخذ كل وكت حصّه
ردتك بس تمر لو طيف...
بيك تفتش عيوني
يا لمسافر الديرة ليل...
شمعه وذابت ظنوني
وانا اترياك نجم سهيل...
تزرگ.. والشتاك انطر
عفتني بوحشة عيونك...
يغيم بيا وكت تمطر؟
رسايل بيدي مخنوگه...
وحبرها اعلى السطر فييض
لا ساعي البريد يفوت...
لا طارش تنه وريّض
غفت لمناطرك 
ضحكة شبابيچي...
وعطش ليلي وشرب فجري...
وانا ابنيّة جرف...
مشّط گَذلتي الريح...
من گوطر حلم نهري
تعال...
بروحي آخ وآه...
وونين وغنه ودمعه
يطور سويحلي ودگة 
ربابة ليل...
يا نشغه بگلب فدعه
على الحيطان طحت فياي...
يشهگ...
لو طرا غروبك
لهسّاعه...
وبعدني اتناك...
وأنطش كلّي بدروبك
تعال...
ويّه الصدى العابر...
ولو بس صوت
تعال الگمره هالليله...
كلاها الحوت.