بياض الليل

الأحد 10 كانون ثاني 2021 186

بياض الليل
 منذر زكي
 
 
گضه بينه العمر سله ابوداعت ماي
تاخذنه البياض الليل...
وترد بيه اعله سچة شوف...
تاهت بلون الوجه...
گضه بينه...
العمر توه اعله ديرم غفه...
وگالوله زفتك امس...
من زمان...
وتعيرني الملامه...
اعله طعم اشفاه...
ذاب بغروب الشمس
وكابر..
ونكت ابخوفي غبار الشوگ للسنيني
وظل حلمان...
ياسلة وداعت ماي...
سرسحيت الروح..
لغناجك...
بلچي الضفيره اتحن
بلچي النده ايذوب اعله الغصن..
وحتام...
ويدهربني.. صليل الماي.. بدروبي
وك لا.. حضن بضفيرة جرف
لا وسطت عمر دنياي
گضه بينه الوكت سله ابوداعت ماي.