يا حلاتك

الأحد 04 تموز 2021 201

يا حلاتك
  منـــذر زكــــي
ياحلاتك..
يا حلات المزنه
من تغفه ابلهاتك 
ويادلاله الراد يتنخه اعله طولك
ورگه وي فيت ودادك
هاك اخذني
اليا جزيره.. اليا رمل حسنك دواير
 وانته چويات اوهمس 
ضيعت رمشي اعله شوفك 
 وانته شمام وشمس
ياحلاتك..
من تميل اعله الضلع چرچف شتاك
وياحلات
الليل من يلبس ضواك 
ياترف لف اعله طولي ..واكتل الشوگ اليوزني 
وكتب اترابك بجدمي..وخل اسيرنك نهر 
وياكثرهن
وانته ادره.. ابروحي لو فاض السهر
ياحلاتك 
زخت ابروحي الطوايف
 لاهي مريم
لاهي هزي اعله الشجر.. ينزل رضاك 
 وفزعتهن.. دمعه دمعه
وكل مناره.. روج.. وشراع.. وغرب
وكل تصاويرك تمرني
كله مفتاح اومدينه
وأنه شطان اودرب.