هلبت

الأحد 17 تشرين أول 2021 145

هلبت
  منذر زكي 
 
شتليت الشوف...
اعله...طرواك
ولملميت اسوالف أمن اشفاه الغرب هلبت حرف ولگاك 
انزع بدمعي...
وأنه المامش حزن وستر ولبس اجفاك...
اتنطر امناده اعله روج الماي 
وك يمته الغريگ ايشوف جرف اشفاك
يامستحانه بأول شته ابملگاك...
ارجف لوهمسني اخيالك ابفي المتانه...
وصيح 
اشاه...
وفزع....اضلوعي تتلگه الرفيف اصفوف بغيابك 
يا كومة عشگ ورد .....ونه ادنانه ابرغيف المنجل الحبك 
تريد اعضاي؟...
ارسلك جنح ينزف فخاتي اتحوم بزياگك
ونه الصنطه بسواتره...ورد انخاك 
عسه برعشت كصب تشتاگ لبريسم  وكاحتنه
تريد  انخه ...؟
 هذاك انه المسيح...الفاتح اذراعه...
ويرد بصليب چتاله 
هذاك انه الوزريت...أرموشي لفراگك...
هذاك انه... الدمع... لو چرچفك راده...