اغاني الرب
ثقافة شعبية
2019/09/06
![...](/uploads/posts/alsabaah-18587.jpg)
+A
-A
باسم الخاقاني
إترافگن روس ونحيـب ..
وعيد وطبول
وهبل ..
حادي المـسـيـر
بدنيا بيها الله غريب !!
وبيـها راس حسين
متعلّي الرماح
وچان جبرائيل شاهد مستحي
حسـيـن ..
مـا يــنـزل عليــه
وحــي الأله
حسيــن يصعــدله الوحـــي
حسيـن راداه الأله
شـافه مـا كفـّتله
دنيانـه و خــذاه
الدنيا أزغـر
مـن محطـات الحسيـن
الشال اغانـي الرّب رسـايل
حسيـن ثــوب الحــب
وإدين الفقرة
وطيـوف الجـدايـل
حسيـن عــرش المـاي ،
وأحـلام الصـبا
وغبشة مطر بعـيونـه شايــل
حسيــن شاهـد عالـرؤوس
بصحره ..
بيها الله رهيـن
ابيـن چويات السنابك
شلون صحره ..
البـيهـه ثــوب العـرس مـوت
وما تأمن للهــلاهـل
والحمــام ..
يـدور أمان
بدنيــه ما بيهــه متـن
شلــون دنيــا !!
البيهــه ناس
تبــدل الدينار بدموع السبيـه
شلون دنيا !
تبيع عالدخان قرآن الهوه
شلون دنيا !
تغني لعيون السيوف
نحور حرّة
وترگص اعله دفوف أميّة
ويبقى
“ راس حسين باب لكل عشگ “
واحنه بينه الشوگ باب
ذايبين ..
بكل عشگنا
وكبرت ويانه الرسايل
والانهار والاشجار
وذكريات الليل الاسمر
والنده الساورنه
بعيون العطش
شاف وجه حسين وردة
وعالسنين العطش ذاب
گماط ما صرنه
وچتفنه الشوگ
بضلوع الرضيع
فرفح وبعيونه طير
فرفح ..
ولليوم السهام الرخيصة
تلچم الدنيا برباب ..!!
وعدنه اﻻسود ثوب
وايام امهات ..
خلّفن فوگ السواتر
وما حضن برسوم نومه
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة