تجارب خارج الضوء
ثقافة شعبية
2021/10/31
![...](/uploads/posts/alsabaah-97590.jpg)
+A
-A
ذو الفقار يوسف
لربما يعتقد البعض أننا نعني بهذا العنوان بأن هذه التجارب غير معروفة أو قليلة الأهمية، إنما العكس هو الصحيح، فهي تجارب لها أهميتها وخصوصيتها في شعر العامية العراقي، لكن ثمة أسبابا عديدة جعلتها بعيدة عن المتناول الإعلامي وعالم الشهرة الذي يلهث باتجاهه الكثير.
هذا الاستحداث في صفحتنا نبتغي من خلاله اطلاع الأجيال الجديدة خاصة على تجارب مهمة لابد من قراءة منجزها، ولتكن تجربة الشاعر كاظم لاله، مفتتحا يليق به.
اعترافات تحت الجلد
اعترافات تحت الجلد
ريح، وأنه غيمه ابين ايديك
ابيا كتر .. ياگاع.. امطرلك.. اطيح
ريح .. علمني حبيبي
ريح .. طوگني حبيبي
اصعد لوجه الشمس
للفي.. أسيح
شلتك ابروحي صليب
أو كل نبض بيه مسيح
أو گتلي: ابنادم
ابغير حزن الناس.. أو فرح الناس.. أو حلم الناس
لا هو ماي.. أو لا هو ريح
أو جيتك.. ابحبر اعترافي واعتذاري
ابلا محبتك
لاني ماي.. أو لاني ريح
......
گتلي: الماي من يركد يموت
ابلا اسم .. وبلا هويه
او گتلك: بين القصيده والنهر
هامش مسافه
أو گبل ما نسكت
تفارگنه وبجينه
بلون الوطن والناس والغربه لگيتك
........
مثل ما يزعل ابنادم على اخياله
ومثل وحشة سفر وسوالفه اخباره
توالفنه.. وتزاعلنه
وشفت طعم السوالف بالزعل اطعم
يلن بس بيك
طبع الماي..
من ينطش .. يرد يلتم
.........
ضواك .. ابكل مسامات الگلب والروح
بحر.. ياغيبتك بالروح
يسولفهه القميص أسرار
وبجت حدر القميص أسرار
ويا سر المري امن اتطيح
تقره اوجوه مكسوره
...
العمر .. لهفه انگضه
بين المري والباب
مثل ديره غريبه
غريبين وصفينه احباب
أو مثل ومضة ضوه
امن ابعيد
لاح وغاب
انشدت الحلم
والليل والنجمه
والبرد اليجي غبشه
عنك ما سمعت اجواب
أو كبرنه وكل ظنوني البيك بيض
أو گلت هلبت يوم
تجي وتلگاني ع العتبه
رسمتك باب
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة