ياساحة جميع الناس من كل الجماهير
ثقافة شعبية
2019/11/19
![...](/uploads/posts/alsabaah-22867.jpg)
+A
-A
سعد صاحب
ساحة التحرير جزء مهم من تاريخنا الحميم ، وكل بغدادي يشده الحنين اليها ، فهي تجمع العديد من الذكريات ، منذ الماضي التليد الى الزمن
الحاضر .
ساحة كل محب يا ساحة التحرير / يا عطر الورد والهيل والنعناع / يا نبض الكلب واحنه الشرايين الوفية نصير / ساحة كل فجر نعسان / ساحة كل شهم كل حيد كل انسان / ساحة كل جرح بالغيد ظل حلمان / ويناطر زمان الكيف والتغريد والاصلاح والتغيير / الي فوكاج حفنه من المواعيد / الي جواج حفنة من الاناشيد / الي بدنياج حفنة من المشاوير / جنت من ديرة الغربة الج ابعث تحياتي / تصب فوك الوجن نهران دمعاتي / من اذكر هلي الطيبين وامي وكل اخياتي / يلن وياج مرتبطة بعهد ذاتي / سواليف العشك جانت تصير هناك ما بين النوافير / اردن للامس فرحان ما بين السنادين / اركض للشمس ملهوف ما بين البساتين / ما بين النبع وطيور واشجار واغادير / انه وكل حبيباتي / انه وكل حماماتي / انه وكل حلم للساع بعده ازغير / مر شجم زمن نفس العناوين / مر شجم زمن ما صار يوم اجبير / اهي فطرة وطبع تتباعد الغزلان / لو فد يوم من ميهه العذب شربت
خنازير .
نصب الحرية
المقصود هنا الفنان العراقي جواد سليم ، صاحب هذا النصب العظيم الذي يدل على الحرية وكسر القيود ، ويدعوالى الحياة المدنية السعيدة .
عاش جواد فوك اللوح نكتب بالطباشير / ونتاني السما الحزنان / يمطر عيد وشموع ومصابيح وتباشير / عشك بالروح ظل يمتد / ما نمتد على فراش الحرير البارد النشوان / لكن من نشم ريحة عطر اوطان / مثل نومة طفل من اللعب تعبان / فوك الكاع دون بساط نتمدد / والعالم جبل نص من ثلج نص جير .
الشعلة تبقى تضيء ليل بغداد الى الابد ، والحصان الجامح يصهل باعلى صوته من اجل الحق والمساواة
والعدالة .
يا ساحة طفولتنه الجميلة الزاهية بكل التغاريد / يا حنة عرس شبان يا جنجل فرح هاي المواليد / يا ساحة حمام الروح واعشوش العصافير/ يا ساحة الشمس عشكت ضواهه سنين ياساحة / يا صرح الضمير الشامخ المحد جذب لاحه / يا ساحة نصب بيه الزمان ايحير / كل واحد عرف مجده / كل واحد وكف مجبور يم حده / هتف حتى الشهيد وكام من لحده / رسم فوك الجفن بالدم شكل ورده / سواله سرج من نار تابوته وعليه
يغير.
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة