خيمه بالمصحف
ثقافة شعبية
2019/09/06
![...](/uploads/posts/alsabaah-18587.jpg)
+A
-A
علي ابو عراق
سبحان السرى بنحرك
واخذ بيدك لگاع الطف
مشيت من الحمد قربان لاخر خيمه بالمصحف
يمعراجك جزه القوسين وأدنّه
الله بحرگة الصيوان سوّه لعينك الجنّه
مبحر والمنايه وياك تتعنّه
تدريبه السفر چتال بس گلبك ولا چنّه
يا أول جرح يكبر اشما يعتك
يا أول خيم فوك الگلب تندك
يا أول ضعن يتفرهد اعله الحك
يا أول نحر يتبسّم لسيفه
يا أول جمر گد العشك ورّد
يبيبان الحزن ذيچ الولا تنسد
عطش دين الله وانته انطيت دمّك من برد فرضه
بطل صوت الأذان وضاع لو ما بالضمه اتوضّه
اذا چان الذبح يرضيك گلت هاك النحر وارضه
كبش خلّص ضنه ابراهيم وانته انطيت عبد الله
لا طير بحلم يفديه ولا مر الوحي اسم الله
ولا برد وسلام المر على خيامك
من بيهن لهب صلّى
ولا يبصر نظر يعگوب لو ماينسلب ثوبك
ولا هدهد نبي سليمان سافر بالضمه لصوبك
ثگل جنحه بحزن من شال مكتوبك
نزف دمّك على الگيعان منهه وخضرت تربه
جرح ينده جرح متعوب غربه تسولف لغربه
من گلب الخيم للماي چم نيشان متبدّي
من حضن الصدر للشوك چم صهيل متعدّي
بمتون الرمح قرأن ويندّي
من وجه الشمس للشيب حسنك غايره الوانه
چم عثرة نهر عطشان فوك شفاك ذبلانه
يحسين الجروح عليك شيلمهن
مثل ضعنك تبدن شوك هم احترگت اخيمهن
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة