عندي واهس
ثقافة شعبية
2019/12/24
![...](/uploads/posts/alsabaah-25999.jpg)
+A
-A
محمد الكَريزي
عندي واهس مبتلي بخلكي الطويل
وماخذ بروحي قصيده اقرالها
وين ما طرني الفجر اهجر وروح
براسي ديره ورايد اتمشالها
عمري ما اعرف القبله بيامجان
الوادم التندلها كلي شمالها
حظي مدفون بمكابر مدري وين
وقصتي محد جر عدل موالها
حاير بمكفاي خلص من زمان
ناس خلت بيه شنو اليحلالها
كوه المهن واركض انطيهن ثواب
اجيوبي من ربعي عصرت وشالها
الشامت من أيطيح غير اتباها كون
روحي طيبه وتعفي عن جتالها
يمه اكلها العاجر شلونج وفوت
وبيهه احس درت حليب اطفالها
حذر مانزلت روحي بشي غميج
التله الاصعدها دست نزالها
ما اكابر ادري بس الله الجبير
والرديه الجلمه ما ادنالها
اعتك بروحي وبين من جديد
واكبر بعين التحبني ابرالها
شوكت اموتن من الف راسي وانام
من الصبح تلكاني غبشه وفالها
من اجلب بالشمس مو عوزي خيط
براسي صعدت والشمس هنيالها
مدلل اهلي وما امدلل عد غريب
الغربه ذله شما شريف انطالها
انه عابر ناس مو عابر سبيل
زغير وصاحو علي خيالها
من يمر ذكراي يتباها المضيف
الدله ثنيه تبهات برجالها
شمايمرني العوز اشيلن راسي فوك لله موش العالم اترجالها
اشرب امن البير ماسولف عليه
ادري عطشانه الواري انذالها
عالحجي يزاودني كون براسه خير
شلون بالماوصل حته اذيالها
كلها مالت وانه مو ساعه واميل
الساعه قله تشوف عدله اميالها
شلون اطيحن وامي تدعيلي بصلاه
والله من تدعيلي تفتح شالها
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة