احن واشتاك
ثقافة شعبية
2022/06/02
![...](/uploads/posts/alsabaah-148003.jpg)
+A
-A
أبا ذر وحيد
ولنفس الفراش البي تغطينه
احن واشتاك
وارسم طولك واخذ شكو بروحي ضوه للناس
هذا انا احب كل الهلا الماتنسمع
وافرش شكو بروحي
سوالف كأس
الزمك وانت جنت ماي
ماتلتم
واشمك اخر صيار
العمر عنكود
واندلك
واضيع
والتم بروحك
واجي من خاطري مكسور
اشوفك دنيه
اذب كلشي عله صدرك ياس
ياخطوه تعبر بيه الف تشرين
الف ليله
واظل محتاج
واشرب بيك طولك
لونك المابيه ابد يالون
ابيعك وارجع مضيع
تجاعيدي
وشكو بيه
يالبيك الهلا
سالوفة شيوخ
وهلا بنيه
تعال وشوفني
مو ذاك
ادور ابروحي والكاني
متيه الدنيا
بس كلما اتيه
الكاك
سنبل بأول صياره خضار وماي
ضحكة مستحه بليل
اظل ارجاك
لمني الدنيا طشت كل حجينا بساع
والنسيان لون يضحك الماله صدك بالروح
يالمدري شجاك بساع بعت بكيف المساوم
عله كل باب
يالمشرد بروحي عتاب
أريدك بس شكلك وانا تايه بيك
من بعت البرسيم
حتى اشد انكاب
حتى اندل ضعت
وبدونك المفتاح مايرهم
يمن حتى الحجي وياك اله مشيه صبح شارع
واله ضحكه تضل بروحك تضمها
وتخليها لما نشتاك
باجر مدري هسه الدنيا سدت باب
تعال وشوفني بيه بعد لهفة
هلا وعتاب
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة