فيان البغدادي

ظلت بالصور تعرگ

يماشي بدرب ما بيه صوت

لا ديرة خلگ

لا لافته ومفرگ

يلمتيهني وسطة ليل

ما يلبسله ثوب ازرگ

يلمخليني حسرة روح

كلما تنذكر تخنگ

ونته شما سراب يفوت 

طاريه ابوراك اركض

كضيت من الندامه اعليك

ايام الجفا تعضعض

دصير بليلي نجم سهيل

لو بس بالچذب يلمض

تره بصدري كلب فحطان

من كد العشك ينبض

تخازر للشوارع عين

هلبت طيفك يحفها

يهدني الشوك وتنطر

كـ حنه مناطره الچفها 

عرايس عيني من تسيل 

كحلة جفني التزفها

وعودك طرزاها الشيب

رد لوعودك او وفها

تعال…

بروده بيها الروح

ضمها الروحك ودفها