بس ذكر عطشان اخوه الماي ذبه
ثقافة شعبية
2019/09/06
![...](/uploads/posts/alsabaah-18587.jpg)
+A
-A
سعد صاحب
بعد ان استشهد كل الهواشم ، لم يبق سوى الامام الحسين (ع) واخوه العباس (ع) الذي كان منفردا امام جيش كبير ، وكان يعاني من العطش ، وحين اراد الشرب من الماء ابى ، لانه تذكر ان الامام الحسين (ع) عطشان .
جان اول بالشهادة يصير عازم / بس بقى الموقف يريد انسان حازم/ جان رايد من هذاك الماي جربه / للزغار المن عطشهه تلوب جانت بالخيام / للنساء التنتظر فد شي تشربه / شال من ماي النهر بالايد غرفه / كال اشرب بلكت النيران تطفى / بس ذكر عطشان اخوه حسين ذبه / ما شرب كطره ورجع صوب العيال / ما رضت نفسه الجبيره / تضعف وتصبح زغيره / حيره يا مولاي حيره / شرد اعدن من سجاياك الجثيرة / شرد اعد من الخصال / هاي يا دنيه الاخوه وهذا ياروحي الغرام / هاي يا ناس المواساة العظيمة الما تصح عد الانام / هاي شوفوهه الخصال / هذا ايثار الرجال / هاي ديتهه المحبة / دم يفيض بكل جزيرة / دم يمر اعلى السفوح / دم يسح فوك الصخور / دم حدر ذاك النهر يجري سريع / دم لزك فوك العباية / دم يسح اعلى الشواطي وع الرمال / دم يحني ارماح غداره وصوارم .
فارس
كان ابو الفضل العباس (ع) نعم الاخ المضحي الى اخيه بالروح والدماء والعيال ، ولا يتمالك الانسان نفسه ، دون ان يبكي على هذا الفارس الشجاع ، صاحب المواقف البطولية النادرة في كل زمان .
طاح ما بين الشريعه والمخيم / فاض كل الكون بالدم / والمطر ينزل على الوادم نبال / والجسد مطروح ظل بارض القتال / والعده كلمن اخذ بالسيف من عندك شريحه / موتة العباس ما تشبه ابد بالدنيه موت / واليزورك يجهر بكل عالي صوت / لو يريد ويه النفس بسكوت تمتم / ليك اشهد بالوفاء / ليك اشهد بالولاء / ليك اشهد بالسخاء / ليك اشهد بالنصيحة / يلصرت للدين عنوان الفداء /يل مشيت اعلى الدرب من غير زله / يل كيانك ما عرف فد يوم ذله / يل طحت فوك النهر مثل الذبيحة / يا ضريحك من عطر جنات الله يفوح ريحه / بس هذاك القاتل الماجور من يندل ضريحه / يندثر تاريخ كل واحد مشه بدرب التنازل / يندثر تاريخ كل واحد يساوم / انشد الطف شوف كيعانه شتجاوب / غاد كل ذرة رمل تصرخ تعاتب / غاد بجناحين نسر الروح لاطم / تنتف جناحاتهم ريشة اعلى ريشة / من تفج جيوشهم الهم عويل / لا خوافي التبقى حدر جناح لا تبقى قوادم / النصر لو فاتك بهاي الحياة / النصر يوم الحساب من الجناة / النصر يوم القيامــــــــــــة هناك قادم / يبجي من كد الهضم شط الفرات / لن روه العدوان كلهه وما رواك / والهضيمه شكد خنازير ارتوت وشكد بهايم .
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة