مشاحيف السفر
ثقافة شعبية
2020/02/04
![...](/uploads/posts/alsabaah-29887.jpg)
+A
-A
عزيز السماوي
ضميره السيف والفاله التسولف ع الجرح والثار ...
هاك اقره بعرك گصتي مذله وعار ,
اوج وتلگه روحي النار ...
واهيمن لو عرك گلبي ,
واجيلك سيف للدم حار ...
واطيحن ع الدرب خطوات ,
خطوة دموع خطوه افكار !
وخطوة بعيد ...
ياخذهه الضوه الوصلك تفل اسرار ,
ضميري السيف من يشهك ,
صهيل حصانه نجم ازرك..
وبالنوم الثلج يعرك !
ونشوفك بالحلم مرات ,
ونصليلك سبع مرات ..
نبض گلبك يدك خطوات ,
كل خطوه صبح بالراس ,
كل خطوه شمس بالراس ,
ثگلان الحچي بالراس !
ياعابر الدنيه بعطش وجروح ...
ها غمج العطش بالروح ...
الطيفك صلت چفوني ويمر ذكراك ...
نهر يجمع سواجي الروح ,
ونصلي ردود وطيفك من بعيد يلوح ,
ونعرك من سواليفك ...
وياريت العرك من دم ,
نصفن تغبش الدنيه بنهار اظلم ,
واجيك عيون عطشانه ...
تضوي الدنيه لو تلتم ,
واشهك واطبك چفوفي ...
رمح لچفوف ما ترحم ,
ويدخن كلبي جم مره ...
واگله شبيك ,
مامش واهس مسليك ,..
يگلي احنه بنگيصة دم !!!
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة