{يعتني للدار شايل حفنة شموع ونفانيف}
ثقافة شعبية
2020/02/14
![...](/uploads/posts/alsabaah-30769.jpg)
+A
-A
سعد صاحب
الحب في نهايات العمر دائما ما يكون عاصفا ، وربما هو تجربة خطيرة يمر بها الانسان ، اما تعود اليه بالسعادة أو بالشقاء والجحيم .
خلهم يكولون بالستين عمره وما يتوب / خلهم يكولون طايش / جان يتمشى بدرب فضي ويدور / حاط ايده من البرد نص الجيوب / مره ياكل لبلي بيوم المطيره / يشتري نفاخ مره / مره ما بين الظلام يوج شمع حد ما يذوب / مره يلبس ثوب احمر / مره شعره اعلى المتن مسدول نايم / مره يتغازل اذا حلوات مرن بالدروب / خلهم يكولون طافش / مره راتب كامل يوزع هدايا / مره عيد الحب يعلك / فوك باب الي يحبهه ورود فواحه وبطايق / يعتني للدار شايل حفنة شموع ونفانيف ودبوب / مره يجمع ياس من اهل الحدايق / مره حنه يجيب وازهار وعطور / كيك ونجوم وحمامات ومواعيد وشقايق / وانه ماخذني اعلى حبك هذا واهس / تشتعل روحي بفرح نص
الحرايق/
مراهقة
احيانا ياتي دور المراهقة في نهاية الحياة ، وحين تصيب حمى العشق الانسان الكبير ، لا ينفع به اللوم ولا يجدي العتاب ، لانه خارج
نطاق السيطرة .
خلهم يكولون غشاش ويخون / خلهم يكولون فد واحد مغامر / خلهم يكولون فد واحد لعوب / خلهم يكولون مجنون ومراهق / كل خفايا الروح يحسبهه تعاطف / يشعر بلذة وسعادة شما طفح ميزانهه ودك الذنوب / خلهم يكولون يا ذاك المحارب / ما ترده جيوش قيصر / بس يفتر لو يصد صوب الجفون / بس يدوخ من اللبس ومن العطور / بس اسير يطيح لو شم الطيوب / يا امان الروح يا احلى الاماني / يا سناني الشوك يا اغلى السناني / ليش عيد الحب عبر روحي ونساني / وانت وردات الغرام الفتحت كبل الربيع / وانت اجمل طيف مر بدورة عيوني سريع / وانت طير من الضوه
الفتان خاطف / وانت نور شما ردت الحك جزاني / لو بجيت بساع ابجي / لو حجيت وياك احجي / لو رضيت الدنيا اترسهه مواويل واغاني / لو زعل كلبك عليه / حتى نجمات السما العالي تظل وحشة تلوب / وانت تدري بالكلب يا زين راهب / يخشى يخشى من العيون / ما يهاب شما تطعنه سيوف وحشية غدروكت الحروب / وانت كاس المشمش وكاس الزبيب / انت كاس الجاي مخلوط بحليب / انت يبن الناس مثل المستحيل / انت يبن الناس اكثر من محال / انت عالم من تهاويم وجنون / انت عالم من هلاوس / انت عالم من مخاوف
من ظنون.
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة