فيان البغدادي
أطيرن مثل جنح الغيم...
وأفتر بين الولايات...
ما بين السمه وغفوة بساتينك
يرايج...
فدوه اروح المايك...
ورصعات نهرك...
لو ضحك طينك
سواجيّك...
ترافه البيك...
اسمك...
عمرك...
أسنينك
يكاتب قصة العشاگ...
ببرودة درابينك
أعشگك.. والضواك اركض
ركض عميان...
لو غنى بروازينك
يقدسيتك...
يريحة خبزة التنور...
يالمملوح...
من دنياك حد آخر نفس يشهگ..
الناس البيك ضحكة هور...
من تدفع مراديها...
تهلهل روجة جروفك...
اذا غنت شرايينك
اشحلاة الكحله...
تتغاوه...
برمش عينك
ولو كل.. هالحلاة البيك..
بس هواي ناسينك
يمن ما تسد بابك يوم...
وتلم الفياي...
الّي بحياطينك
يالمعزّب...
يبو اشكال المرتب...
والهلا...
بكل ضيف...
يالما طفت نارك...
وستحه الفنجان...
وغتاضت الگهوه...
بسد چوانينك
يمن أشگد تحب الله...
وتوديله بقرابينك
