مــا تــرد صدرك سيوف ولا نبــال ابــو الـفـضـل العباس (ع) رمــز الإيثـــار
ثقافة شعبية
2020/09/30
![...](/uploads/posts/alsabaah-47916.jpg)
+A
-A
سعد صاحب
الإمام علي (ع) حين سماه بهذا الاسم، كان يعرف جيدا سيكون من الناصرين ، لاخيه في معركة الطف العظيمة ، ومعنى العباس الاسد الذي تخشاه الاسود.
فرحت الدنيه باهلهه/ يوم جابت فاطمه ذاك الولد/ ضحكت الخلان كلهه/والفرح عم الطوايف وابتهج كل البلد/ اسمك العباس معناه الاسد/ يلي سيفك بالحرب معروف صارم/ ياعبوس بوجه باطل/ من تلاكي الحك ضحوك تصير باسم/ ساعة الشدة عنيد/ والحرب بعيونك الحلوات عيد/ تكتب بدمك بطولات وتخط كل الملاحم/ سيفك من اسنين ما بين الغمد مرتاح نايم/سيفك من اسنين صايم/ بس اذا شاف الظلم رد من جديد/ بس اذا شاف البشر مثل العبيد/ يفطر بهاي الجماجم/ ينزل الساحات يلعب/ ما تلوحه جفوف بين الروس هايم/العرب تهتم تره باسم االوليد/بيهم يسمي نمر بيهم ضبارم/
الإمام علي (ع) حين سماه بهذا الاسم، كان يعرف جيدا سيكون من الناصرين ، لاخيه في معركة الطف العظيمة ، ومعنى العباس الاسد الذي تخشاه الاسود.
فرحت الدنيه باهلهه/ يوم جابت فاطمه ذاك الولد/ ضحكت الخلان كلهه/والفرح عم الطوايف وابتهج كل البلد/ اسمك العباس معناه الاسد/ يلي سيفك بالحرب معروف صارم/ ياعبوس بوجه باطل/ من تلاكي الحك ضحوك تصير باسم/ ساعة الشدة عنيد/ والحرب بعيونك الحلوات عيد/ تكتب بدمك بطولات وتخط كل الملاحم/ سيفك من اسنين ما بين الغمد مرتاح نايم/سيفك من اسنين صايم/ بس اذا شاف الظلم رد من جديد/ بس اذا شاف البشر مثل العبيد/ يفطر بهاي الجماجم/ ينزل الساحات يلعب/ ما تلوحه جفوف بين الروس هايم/العرب تهتم تره باسم االوليد/بيهم يسمي نمر بيهم ضبارم/
والحروب هواي جانت والاسم مثل الرعيد/ وانت وحدك من تطب ميدان تخشاك الضراغم/من تشوفك تصفك جناحين وتعلي بعيد/ما تظل فوك الجبل حتى القشاعم/ اليصادم يدري راح يموت يدري/
واليريد يعيش يشرد ما يصادم .
شجاعة
كان العباس ( ع) من اشجع الفرسان في ذلك اليوم الخالد، ومن النادر تجد فارسا بهذا الايثار، في ساحة حرب طاحنة، قطعت يداه في سبيل الحق، وضحى بنفسه من اجل
الاخرين.
ياشجاع ابن الشجاع/ تدري ذوله اطباعهم غدر وخداع/ تدري ذوله البربريه شگد اراذل/ تدري ذوله البربريه شكد غواشم/وانت اكثر من وسيم/وانت اكثر من عظيم/ ياابو الافضال گلهه وياگمر دارات هاشم/ ما تهاب تفوت بيهم ياشهم يا زين يا اشجع محارب/ تدري بيهم حفنة ذوله من العگارب/ تدري بيهم حفنة ذوله من الاراقم/ لسه جن طاح الشهيد/لا ابد ماجن الف عام ويزيد/جن هذيج الخيل تقرالك نشيد/ بس وحيف ارماح يعبر بس زلازل/
بس صهيل سيوف نسمع بس غماغم/ما ترد صدرك سيوف ولا نبال/تشتبك ما تخشى فارس لا حديد/ واحنه من ذاك الزمن ذاك البعيد/توصل الطعنه ونحسهه وتفطر الگاع الزمازم/ صح جثثكم هاي فوك من الصعيد/لكن التاريخ عادل ما يحيد/ ينصر المظلوم طبعه ويكتب الخسران ظالم/ احنه نعرف زين ياهو القاتلين/ جان اول سيف فوگ الراس طائي/ جان ثاني سيف طافح بالغدر من آل دارم/
قوم اتعس من جميع المجرمين/ قوم شيمتهه التطاول/ قوم شيمتهه الخيانة/ قوم شيمتهه التخاذل/ قوم شيمتهه الطعن والعار والذل والشتايم/ گطعوا چفوفك يغالي وكل شهم يصفن يحير/
صارن جناحين بيهن وين ما رايد تطير/ جان ريش جناح من عدهن حرير/ جان ريش جناح من عدهن ترف فد نوب ناعم.
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة