ندى الغبشه
ثقافة شعبية
2020/10/17
![...](/uploads/posts/alsabaah-50067.jpg)
+A
-A
* فاطمة الخولاني
ادري الصوج بيه
هواي لحيت
ولان كلش احبك
مني مليت.
على روحي ارد اسئلك
من تمر بيك
دكلي شبدر منها
وهيج سويت؟
تذبلني بغيابك وردة يل ماي!
واناطر ندى الغبشه
وما تدنيت!
فكري بلا وعي ومن اسمع الناس
تسولف بالفراك
عيون هليت
حبيبي شلون اضم جروحي وانساگ؟
وعلى وجوه العواذل فرحه لاكيت
ومن ريح الشماته
حجايه شميت
ولان جرحي غميج بخمج الفراگ
الك بعناد بيهم
جمله وديت
حبيبي انته حبيبي يطعم جكليت
زامطت بمعزتي الباقيه وياك
بسمك على عناد الناس غنيت
انته الدنيه كلها تصير ياريت
دكلوله اليحبه اشتاكلك موت
والله يجيب روحه
لعتبة البيت
بركعت الجروح ابلسم الشوك
وتحزمت بلهفتي وجلمة الريت
انهجم بيتك يقلبي شكد صلف عين
بعد كل السمعته بابه دكيت!
شلون؟ تريد اكله شكثر مشتاك
وهيام الروح جمره والك حنيت!
بس هوه حبيبي! ونور العيون!
معقوله من أموت
يكول ياريت؟!
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة