ايهاب المالكي
شل احوالهم عباس من صال
اعصار وحذرت من عنده الارصاد
اليشرد بي بخت واليعثر يروح
ومثل نافورة سيفه ايطش الاجساد
ابلظى حافر مهرته احترگت الگاع
وذرات التراب انگلبت رماد
ودرو بي جايهم واتحضرو ليه
وگبل يومين خوفا گطعو الزاد
طبو للملاجئ واحتمو خوف
وسئلتهم ركبهم من اجه شراد
واختلفو بسيفه حاد مو حاد؟
طاحت روسهم وتأكدو حاد
من ذاك الوكت عطاي المراد
طلبو موتهم وانطاهم مراد
كشفهم عالشريعه من التقو بي
مثل ما شاء ربك وانمحت عاد
عبر موقف العباس لحسين
گله اعداد بيدي وشردت اعداد
لوما بالحسين محلفة الحسين
چا حسبة ثواني الدنية تنباد
