مرتضى الذهيباوي

 

الأصابع ليش خمسه وليش مختلفات 

بعدد اهل الكساء وبيهن شكم سر

خل نشوف كل اصبع يمثل ايش

استنادا على الدليل العقلي ونفسر

الأصبع الوسطى يمثل المختار

چبير الخمسه هو الينهي واليؤمر

السبابه علي مرافگ رسول الله

السبابه گصير وحيدر گصير

حيدر والرسول النصر و الاسلام

ومن تنتصر لاحظ بيمن تأشر 

الماعنده سبابه اسلاحه يرمي شلون

يعني بعلي ترمي شما دست ع الزر

الأصبع البنصر فاطمه الزهراء

بنفس المستوى هي وعلي الدر

زوجهم رسول الله نور بنور

ما لاحظتو ليش الحلقه بالبنصر

الخنصر يمثل الحسن بالتصنيف

الحسين الابهام بگصره متحير

لو رأس الحسين على الجسد موجود

چان صار الابهام بمستوى الخنصر

معزول الابهام عن الأصابع ليش؟

لا يوم كيومك يا ابهام الحر

هسه اعوج الأصابع لاحظ الكسرات

واحسبهن شگد وبلعجل فكر

تسع كسرات يعني التسعة معصومين

وانجمعو بچفك وانت ما تشعر