محـمد العـــلوي البغدادي

 

على راس الرمح من راسك انشال 

أبد مو صدفه كانت جتي بحســاب

حتى تظل على الكل شامخ الراس 

 يل نلت الحيـــاة وموتك أسبـــــاب

مو ميت أكــول ويخسه من گـال 

 فوگ الألف عـــام وذكره ماغـــاب

بجنحين القصيــدة حلقت بيــــك 

ومن سمعت باسمك مرت أسراب

أسراب من القـوافي رايدة تنـول 

شرف خدمة مقامك بأبسط أسباب

بقى دين الرسول بدمك الســـــال 

وأهل بيتك وطبعاً بعض الأصحاب

يالمرجف السيــف بثورة دمــــاك 

وبقواطعهم بدمك راسم انگـــاب

بطرف عيني من أذكرك دمعة أيتام 

مثل معضد عليك اجتمعوا أحزاب

بعاشور احنه نصبح مأتم چبــير 

وكل عام ايتـزايد عدنه المصــاب

يحل بينه الحزن نتوشح بليـــــل 

وتغيـم عيوني آه وتمطر بـــآب

شما يحصل أبد منعوف الحسين 

وعلى دربك نظل لو گطعوا رگاب

نفوت أحنه بطريقك لو جمر صار 

مثل خيط بثقب راس ابره ننـساب

رفضت الظلم انته وگتله هيهات 

مثل سيف وخرج من حضن الگراب

ما هزك كــــــلام ولا حرب يــوم 

أشتظن الجبل يهتز بالهوه الهـاب

رغم أنف الطفاة بكل الأزمـــان 

بقى اسمك شمـــوخ وذكرك كتاب

ينذل ويمـــــــوت الحاربك دوم 

وتظل رمز الإبــــاء الأهل الألباب.