أرشيف جريدة الصباح

ها عباس

ثقافة شعبية 2021/09/25
...
+A -A

  احمد هاشم العربي
 
ها عباس چنك مختنگ كلش ...
عن يا بير نخوه عيونك تفتش
هاي الناس طين وتنعدل بالدوس
مو مالت جفوف عله النهر تفرش
سيفك گله نام الرزق باچر جاي
خيرهم گبالك رمشه ما يمرمش
وانته بكلشي حته بطبرتك فنان
موش عله المحابس عل رگب تنقش
ها عباس شايل هم احس للماي
واحنه بشوفتك مو بالنهر نعتز 
وما نحتاج من نشرب نهز فنجان
نشبع مرجله من اشواربك تهتز
حته السهم لاجئ يركض من القوس
وبعاصمة صدرك غصن يتمركز
وكلهه بسيف تنحز من تطيح الروس
وانته الغيره قبلك لو طحت تنحز
ها عباس غربة بديرة العاگول
عن شجرة امان هنانه لا تبحث
باچر من حرارة ركضتك بالسيف
موبس الزلم حته النهر يلهث
وكلشي ولا تغثك مشرعه ولا ماي
من تنغث محمد بالگبر ينغث
وبس تندار خاف عيونك الحلوات
يخطف وحده منهن سهم المثلث 
ها عباس هسه شلونك ارتاحيت
يل گدامك خيول المدح تفحط
واسمك عل العرش ماحاطينه هناك
حته گبال زينب بالخيم ينحط
ومثل ارقام الآيات بكتاب الله
چنت ابين خيمه وخيمه تتوسط
يل مدت چفوفك نهر للفردوس
وماي عيونك يمد للفواطم شط

أخبار اليوم