عراق اليا وكت
ثقافة شعبية
2021/10/23
![...](/uploads/posts/alsabaah-96613.jpg)
+A
-A
الراحل: سمير صبيح
ﻭﺑﻬﺪﻭﻣﻚ ﺗﻄﺐ ﻟﻮ ﺟﺎع ﺧﻄﺎﺭك
ﺍﻣﺲ ﺟﺎﺭك ﺳﻜﺖ ﺑﺎﻟچـﺬب ﻣﺎ ﻣﺮ ﺑﻴﻚ
ﻭﺃﻧﺖ ﺗﺼﺐ ﺣﺰن ﻣﻦ ﻳﻨﺠﺮح ﺟﺎﺭك
ﻳﻀﻞ ﺛﺎﺭك گـﺼﺐ ﻛﻠﻤﺎ ﻧگـﺼﻪ ﻳﻄﻮل
ﺷﻮﻛﺖ ﺳﻴﻔﻚ ﺗﻐﻤﺪه ﻭﻳﻨﻮﺧﺬ ﺛﺎﺭك
ﺩگه ﺍﻋﻠه ﺍﻟﺨﺸﺐ ﻻ ﺍﺩگـﻪ ﻋﻞ اﻟﺤﻴﻄﺎن
ﻭﻋﻠﻰ ﺷﻴﻞ ﺍﻟﺼﻮر ﻻ ﺗﻌﻠگـﻪ ﺑﺴﻤﺎﺭك
ﻭﻻ ﺗﺮد ﺑﺪﺭب ﻣﺎ ﺑﻴﻪ ﻋﺬر ﻭﺍﺗﻴﻪ
ﻭﺟﻴﺐ ﻭي ﺍﻟﻨﺬر ﺳچـينه ﺃﻋﺬﺍﺭك
ﻋﻠﻰ ﺍﻟﻤﺮﻣﺮ ﻏﻠﻂ ﻻ ﺗﺨﺴﺮ ﺍﻟﻤﻨﺸﺎر
گـﺺ ﺧﺎﻭي ﺍﻟﺨﺸﺐ ﻳﻨﻬﺎب ﻣﻨﺸﺎﺭك
ﻭﺃﺷﻤﺮ ﻳﻮﺳﻔﻚ ﺑﺲ ﺫب ﻭﺭﺍه ﺗﺮﺍب
ﻣﻮ ﻛﻞ ﺑﻴﺮ ﺻﺪگـ ﻳﺤﻔﻆ ﺃﺳﺮﺍﺭك
ﺃﻣﺲ ﻛﻞ ﺍﻟﻌﺮب ﻭگـﻔﻮا ﻣﻊ ﺍﻟﺠﻼد
ﻳﻤﺪﻭﻧﻪ ﺣﻄﺐ ﻣﻦ ﺗﻨﺨﻤﺪ ﻧﺎﺭك
ﻋﻤﺮو ﻣﻮﺳﻰ ﺍﻟﺸﻤﺮ ﻭﺍﻟﺠﺎﻣﻌﺔ ﺑﻦ ﺯﻳﺎد
ﻭﻋﺮﺍق ﺍﻧﺖ ﺍﻟﺤﺴﻴﻦ ﻭﺷﻌﺒﻚ ﺃﻧﺼﺎﺭك
ﺁﻧﻪ ﻫﺬا ﺍﻟﻮﻃﻦ ﺣﺎﻟﻒ ﻟﻪ ﺑﺎﻟﻌﺒﺎس
ﻣﺎ ﺍﺧﻮﻧﻚ گـﻠﺘله ﺍﺷﻤﺎ ﻗﺴﺖ ﻧﺎﺭك
ﻭﻻﻣﻮﻧﺎ گـﺒﻞ ﻣﺎ ﺛﺮﻧﺎ ﻋﺎﻟﻄﺎﻏﻮت
ﻭﻳﻄﻌﻨﻮﻧﺎ ﻭﻻ ﺭﺍﻋﻮا ﻣﺸﺎﻋﺮ
ﻭﺍﺣﻨﺎ ﺑﻜﻞ ﻓﺮع ﻣﺰﺭﻭع ﺑﻌﺜﻴﻴﻦ
ﻭﺑﻴﻦ ﺍﻟﺒﺎب ﻭﺍﻟﺸﺎﺭع ﺳﻮﺍﺗﺮ
ﺃﻏﻴﺮه ﺑﻴﺶ ﺃﻏﻴﺮه ﺑﻴﺎ ﺷﻌﺐ ﻣﻈﻠﻮم
ﺑﻠﻲ ﺍﻳﺠﺪﻭن ﺑﺎﻟﺒﺎﻋﻮ ﺟگـﺎﻳﺮ
ﺃﻏﻴﺮ ﺑﻴﺶ ﺃﻏﻴﺮه ﻭﺍﻧﺖ ﺑﻴﻪ ﺗﻠﻮم
ﺑﺎﻟﻴﺼﻔگـﻮن ﺑﺎﻟﺒﺎﻋــﻮ ﺿﻤﺎﻳﺮ
ﻣﻮ ﺑﺲ ﺍﻻﺭض ﺗﻠگـﻮن ﺑﻴﻬﺎ گـﺒﻮر
ﺍﺣﻔﺮﻭا ﺑﻜﻞ گـﻠﺐ ﺗﻮﺟﺪ ﻣﻘﺎﺑﺮ
هنيني بعد
ﻫﻨﻴﻨﻲ ﺑﻌـﺪ وﺍﻧﻜﺖ ﻏﺒﺎر ﺍﻟﻀﻴﻢ
ﺻﺎر ﺳﻨﻴﻦ ﻣﺤﺪ ﻫﻴﺞ ﻫﻨﺎﻧﻲ
ﻫﻨﻴﻨﻲ ﺑﻌﺪ ﺧﻠﻲ ﺍﻟﺠﺮﻭح ﺗﻬﻴﺪ
وﺧﻞ ﺗﺴﻜﺖ ﺑﻌﺪ ﻣﺴﺤﺎت ﺩﻓﺎﻧﻲ
ﺩﺣﻂ ﺳﺎﺗﺮ ﻓﺮح ﻭﺍﺩﺣﺮ ﺟﻴﻮش ﺍﻟﺸﻴﺐ
ﻣﻮ ﻭﺻﻠﺖ ﺯﺣﻒ ﻟﻮﺟﻮه ﺭﺿﻌﺎﻧﻲ
ﻣﻮ ﻛﺎﻓﻲ ﺍﻟﺜﻜﺎﻟﻰ ﺗﻬﻠﻬﻠﻨﺎ ﺩﻣﻮع
و ﺗﺘـــﻮﺭج ﻋﻠﻴﻬﺎ ﻋﻴـــﻮن ﺟﻴـــﺮﺍﻧﻲ
ﻣﻮ ﻛـــﺎﻓـــﻲ ﺍﻟـــﻌﻤﺮ ﺭﺍﻓـــﻊ ﺷـــﺮﺍع ﺍﻟﻤـــﻮت
ﻣﺒـــﺤﺮ ﻟﻠﻤﻨـــﺎﻳﻪ و ﻣـــﻮﺗﻲ ﺳﻔـــﺎﻧﻲ
ﻣﻮ ﻛﺎﻓﻲ ﺍﻟﻤﻨﻮ ﺍﻧﺪ گـﺖ ﻭﺷـــﻢ ﻋـــﻞ ﺍﻟﺒﺎب
ﻳﻤﺘـــﻰ ﺍﺻـــﺮخ هلا ﺑﺪﻛﺎت ﺑﻴﺒـــﺎﻧﻲ
ﻛـــﺎﻓﻲ ﺍﺯﺭع ﺟـــﺜﺚ ﻏﺼـــﺖ ﻟﻬـــﺎت ﺍﻟگـــﺎع
ﻣﺎ ﻳﻄﻠﻊ ﻭﺭد ﺑﺨﺪﻭد ﺑﺴﺘﺎﻧﻲ
ﻣـــﻮ ﺟﺒﻨـــﻪ ﺍﻟﻌﻤـــﺮ ﻧﺨﺘـــﺎر ﺑـــﺲ ﻟﻮﻧﻴـــﻦ
ﺍﻻﺳـــﻮد ﻟﻠﺤﺰن وﺍﻻﺑﻴـــﺾ ﺟـــﻔﺎﻧـــﻲ
ﻭﻳﺎ ﺭﻭﺟـــﻪ ﺍﻟﺘﺠـــﻲ ﺑﻌﻴﻮﻧﻲ ﻣﺮﺳﻪ ﺗﺼـــﻴﺮ
ﺍﻛﻞ ﻟﻠﺮﻭح ﻣﺮﺳﻪ ﻭﺗﻘﻮه ﺫﺭﻋـــﺎﻧﻲ
ﻭﺣﻀﻨﻚ ﻧﺎر ﻛﺒﺮه ﻭﻣـــﺎ چـﻮﺗﻨﻲ ﺍﻟﻨﺎر
ﻭﻋﺪ ﻏﻴﺮك ﻃﻔﻮ ﻭﺭﻣﺎد چـﻮﺍﻧﻲ
ﺑﺲ ﻭﺷﺎﺭﺑﻚ ﻳﺎ ﻋﺮﺍق ﻣﺎ ﺫﻟﻴﺖ
ﻭﻻ ﺑﺮﺩت گـﻬﻮﺗﻲ ﻭﻃﺎح ﻓﻨﺠﺎﻧﻲ
ﺑﻌﺪ ﻧﺎر ﺍﻟﻤﻀﻴﻒ ﺍﺩﻟﻲ ﺍﻟﻤﺘﻴﻬﻴﻦ
ﻭﺍﺑﻮ ﺑﻴﺖ ﺍﻟﻴـــﺠﻲ ﻭﺧﻄـــﺎر ﻳﻠگـﺎﻧﻲ
ﺍﻧﻪ ﻣـــﻌﻠﻢ ﺍﻻﺭض ﺗﻜـــﺘﺐ ﺍﺳﻤـــﻬﺎ ﺷﻠـــﻮن
ﻋﺎﻳـــﻦ ﻋﺎﻟﺸـــﻤﺲ ﻋﻨﻮﺍن ﺗﻠگـــﺎﻧﻲ
ﻭﺑﻌـــﺪ ﺟﺴﺮ ﺍﻟﺴﻮﻳﺮ ﻳﻌﺒﺮ ﺍﻟﺜـــﻮﺍر
ﻭﺗﺸظﺖ ﻋﺎﻟﻌـــگـﻞ ﺻﻮﻻت ﺷﻌﻼﻧﻲ
ﻭﺑـــﻌﺪ ﺭﺍح ﺍﻟﻀـــﻼم ﺍﻟچـﻨـــﺖ ﺍﻫﻤـــﻦ ﺑـــﻲ
ﺍﻟﺤﺒـــﻞ ﻭﻟﻪ ﻭﻛﻄﻌﺘﻪ ﺍﻟچــــﺘﻒ ﺍﻟﺴـــﺎﻧﻲ
ﺍﻣﺲ ﺍﻧﻪ ﺍﻟﺴﺠﻴﻦ ﻭﻫﺴـــﻪ ﺍﻧﻪ ﺍﻟﺴﺠﺎن
ﻭﻻن ﺍﻣﻠﻚ ﺿﻤﻴﺮ ﺗﻌـــﺎﻓﻪ ﺳﺠﺎﻧﻲ
ﻣﺎ ﺟـــﻦ ﺍﻟﻈﻬﺮ ﺭﺍﻭﺍﻧﻲ ﺑﻴﻪ ﺍﻧﺠﻮم
ﻭﺳﺤﻚ ﻓـــﻮگـ ﺍﻟﺠﻤﺮ ﺑﻬـــﺪﺍي ﻣﺸﺎﻧﻲ
ﺯﺭع گـــﺎﻋﻲ ﻭﺍﺣﺼﺪه ﻭﺣﺼـــﺘﻲ ﺟـــﻮع ﺍﻟﺠﻮع
ﻭﻣﺼـــﺪة ﺭﻳﺢ ﺣﺮﺑﻪ ﺍﻟﺠﺎر ﺧـــﻼﻧﻲ
ﺑﻤﻮﺍﺳـــﻢ ﻫﺠﺮﺗﻪ ﺷـــگـﺪ ﻫﺎﺟـــﺮت ﺍﻟﻌﻘﻮل
ﻭﺗﺮد ﻫﺴـــﻪ ﺍﻟـــﻲ ﻭﺗﻌـــﻴﺪ ﺑﻨﻴﺎﻧﻲ
ﻣـــﻮ ﺍﺻﺒﻊ ﺑـــﻠﻢ ﺣﻨﻴﺘﻪ ﻟﻠﺪﺳـــﺘﻮر
ﻭﻋﺒﺮ ﻣﺜـــﻞ ﺍﻟﺴﻬﻢ ﺑﻌﻴﻮن ﻋـــﺪﻭﺍﻧﻲ
ﺍﻧﻔﺘﺢ ﺑﺎب ﺍﻟﺤﻠـــگ ﻭﺳﻨﻮﻧﻲ ﻛﻠﻬﺎ ﻃﻴﻮر
ﻭﻃـــﺎﺭت ﺑﺎﻟﺴﻤﻪ ﺿﺤﻜﺎت ﻫﻤـــﺎﻧﻲ
امس زرت السوالف
امس زرت السوالف والمواعيد
بعدهن ع الجسر كلشي بمكانه
خطواتك لهفتك رجفة الايد
خوفك لا عيون اطب سمانه
ونار اشواگنه الما تقبل تهيد
وبير دموعنه وصحرة لقانه
انت گبالي بس اعتبرك ابعيد
اكيد ويه البعد يكبر هوانه
وچفوفي ورك غطه المواعيد
ولهينه ارواحنه ودارت رحانه
وصيني قبل لا اروح شتريد
گتله الليل لا يخنگ ضوانه
شوصيها السنابل ع حواصيد
لو اوصي الجرح يلچم دوانه
لو اوصي العطش بلصيف ليزيد
وصيه وغيرها وخلنه بعمانه
بس عينك عليك وكلشي ما ريد
يمك انت الي مخليك امانه
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة