امشي للوادم شمس
تعرگ الگصه
او يركض الدم بشرايين الزلم
وغني للوادم قصيده
بيهه طعم الخبز الأسمر
أو بيهه لون الماي
أو وجه الگاع المغبشه تفك
المهره لو مسهه تعب
يغسل عرگ خيالهه المترب تعبها
أو لو عثر حافرهه نجمه
اتطگ ضوه
أو تشبگ الگاع ابضواهه
او لو گمرنه اتشيله غيمه
يغسل اهمومه ابسواجينه
ايدور ويلگه وجهه
أو وجه مهرتنه المتربه
البيهه طعم الخبز الأسمر
الگمره تنصه .. السيف ينصه
أو حافر المهره اهلال
دصد عينك
الشوف مايركد مجانه
والسنابل ..
الترتوي بالعرگ والدم
تخضر الروحي نهر .. ديرة سنابل
والتفگ..
الوراهه الخبز الأسمر
اتحني كل خطوه مشت بيهه الشمس
لدروب باجر
واحنه ثايرنه مشه بخطوات شاعر
