ضياء محسن 

 

انه وياك مثل السيف

 ما نرتاح اله انضوگ لون الدم

اله امن الجروح انفيض

 وبفي الحزن نلتم. 

وكل ذيج المواويل الخذتنه ابعيد

 لعيون الجرح بلسم

تدنالي السكوت ارماد 

مهر يتغاوة يا عشگك على النجمات ومتيم

فيض ابكل وكاحاتك

حرير وياي

يا طعمك لون اتفيض

يا عشگك لون يكبر  ضواك ابهندس الغربة

واباهل بيك المرايات واتهندم.

ورد وياك

واجزي الشيب اجزي الدنيا والنسيان

اجزي التعب والغربة زلف خدران 

واكلك يا ابنادم هاك

 صوغ امن العمر قمصان

وانت ادم رفيج الگاع رفيج الدم

انت اهواي بعيوني شعر تحلم..

اخاف اعليك من التاج من الگاع والمنجم..

اخاف اهواي حزني ايفيض

والفايض صعب يلم..

اخاف اتموت 

واخاف ايلوحك الزنجار والمومن ولا يهتم..