خالد العامري الخضري
حنين وخوف والغربه بحر ، بس الگلوب اجروف
لعبر بيچ لاخر ما كتب ربي ،
بخلگ مشحوف
يا ريحة هلي ، وچف امي والمغزل وخيط الصوف
يا شاطي الخضر والجسر والربضه وهذاك الروف
ياكعبة عشگ خمسين ، كل عام ابغربتي اعليها گلبي ايطوف
يا اول فرح بالروح ، وآخر أوف انتي اول عشگ يفلانه والعباس
دگ باب الگلب بالعين وغيّر كل عشگ مألوف
احبچ شمس مكسوفه وگمر مخسوف
واطفيها اذا عيني غيرچ يالعزيزه
اتشوف