«ياهور الجبايش» ترنيمة الطبيعة الساحرة
ثقافة شعبية
2022/06/22
![...](/uploads/posts/alsabaah-154238.jpg)
+A
-A
صباح محسن كاظم
تمثل بيئة الأهوار العراقية سحر المكان الذي يختلط به سحر الماء والطين والقصب والخضرة، مع وجود الطيور المهاجرة.
لذا تغنى الشعراء ومعظم المطربين بالريف العراقي بتلك البيئة الندية، ولقصيدة الشاعر مجيد جاسم الخيون ذكرى جميلة تردد الشفاه عطرها، من خلال ديوانه "ياهور الجبايش" الصادر عن دار عدنان، كتب مقدمة الطبعة الجديدة فهد الأسدي وجاء فيها "هذا الهور وهبه مجيد الشاعر كل روحه، وعانق كل صوره.. غناه أعذب ما يكون الغناء، وأحبه أروع ما يكون الحب".
وكتب الباحث كريم حنش "ديوانه يعد المثال الأكثر انفرادا عن عشرات الدواوين التي صدرت خلال الأربعين عاماً، وهي تحمل أسفار شعرائها، كل له نكهته وأثره، استعادة لغة الهور بدلالة واضحة المعالم".
"ياهور الجبايش" النشيد لأبناء الجنوب وهي قصيدة هائلة صورت الحياة بالأهوار بكل تفاصيلها، لذلك تعد القصيدة الخالدة بالأدب الشعبي العراقي .
ياهور الجبايش لا تسد الشط
يامجمن سمج ريجان يتلعبط
يبو العكيد.. يالشبعت طير البط
براهينك على المحداد تشبع غط
يدهلة وطين.. فوك الطين ومسدي
حشيش أخضر عله الصوبين والبردي
اشحلات الصيد بيك، ودفعة المردي !
حلوه شيلة الفاله لبوسراج الشعل لاله
صايود الدست ودراغه يبراله
يطرب لو سمع فحل الجمس ينحط
ياهور الجبايش لاتسد الشط ..أكلك لاتسد الشط
ينبت بس عله الصوبين خلي شطك بزودة
خلي نبت الكعيبة أعله سطح الماي موجودة
وخلي الكاط المفيح الجاري يلعب ابعوده
بالك تدش بغواره جبير
او صعب معباره
نبت ماينبت بدارة ..
يشلعه ايضل على الصوبين يتخبط
ياهور الجبايش لا تسد الشط ..أكلك لا تسد الشط؟
ياهور الجبايش هيلك او فنك
تجاوبني الحقيقه من أرد انشدنك
انشدك وين اهالينا مضايفنه او مبانينه؟
جبح ياهور ناسينه ؟
ولا جنه لعبنه ابكصب المخرط!
ولاجنه تزاركنه ابكصب هورك
ولاجنة ركبنه بصدر ماطورك
ولا تذكر الكسرية ..ولا تذكر
رمي طيورك؟
نسيت الشص نسيت طيور الوريده شحم بالموسم امكلص
حسافه شلون تنساهه وتجافينه!
ياهور الجبايش يا جثير البك
يامجمن حيايه افات تتمزرك
على ركمه مشافيحك سمج بالنار يتعلك
ياما كصت الكطان طكها امعيدي بلمطرك
حلال بربعه المشحوف بني الهور
من ينشك
ما ننسه رفيف الكصب لمن يدحج المشحوف
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة