اله وحشه

ثقافة شعبية 2023/01/19
...

 طالب الدراجي


 الطير من يرجع مسيت غروب

 لعثوگ النخل مايلگه عشه

يغيم البستان كله دموع

ويزخ الحزن كله اعله رمشه

يبچي روحه وتعب عمره

ريشه ريشه وگشه گشه

وياحسرته اليبني احلامه

 بحلم واحد ويجي غيره ويفلشه

وياحسرته اليوصل الموسم حصاده

 ويلگه زرعه من الصبح 

منجل غريب بليل حشه

وصدگ وحشه

 من تطير ويه الفجر كل الطيور

 وطير واحد مات غبشه

 مات والبستان ظل صافن

عليه مات وعيونه اعله عشه

وطاح من چف السعف

 والريح هاي المره ما شيعت نعشه

وين دود الگاع خل ياكل جناحه 

هذا ازغر ملك مملكته اعله غيمه 

انكسر ملكه وطاح عرشه .