سعد صاحب 

البحيرات والأنهار والبساتين والاشجار والينابيع والمساحات الظليلة، من نعم الله علينا، كي نعيش حياة هادئة مستقرة، لكن الأنسان العجول يعيث بالأرض خرابا، دون وخزة من ضمير او تفكير او حساب، ونحن كلما نرتكب المزيد من الاخطاء الفادحة، ازاء امنا الطبيعة، نفقد الكثير من الواحات الخضراء، وتصبح حياتنا يابسة .( كاعنه جانت كبل يا ناس خصبه/ والندى البارد يسح فوك الورد طيب وعفاف/ والمراكب نص هذاك الماي نشوانه وسعيده وطافيه/ والنهر طافح على الصوبين كد الخير كد العافيه/ والضاف شما تمد الشوف تتلكاك فرحانه الضفاف/ لكن البستان ذابل صار مو ذاك الخصيب/ بس امل عدنه يرد زاهر قشيب ). 

يمتاز المناخ العراقي صيفا بالجفاف، ودرجات الحرارة المرتفعة، وشحة في المياه وكثرة الأيام المغبرة، وقلة الأمطار المتساقطة في الشتاء، يرافق هذه المثبطات للعزائم، ندرة الحصول على العمل، والجوع يدفع الناس إلى الهاوية .( يا مناخ بلادي بارد/ يا مناخ بلادي حاقد/ يا مناخ بلادي جاف/ تتسع يا ناس كامت تتسع هاي الصحاري/ والبشر مثل الذياب تعاركت نص البراري/ والغزال الجان من ظله يخاف/ يصبح بشكل النمر وكت اليجوع/ جن مثل منشار ياكل بالضلوع/ جن مثل سيف اليكص هاي الجتاف/ لا سمانه تكت على العطشان مطره/ والورد حتى الورد مسموم عطره/ والنهر كل النهر ما بيه كطره/ وانكسر ناي الكصب وكت الزفاف ). 

الزمان اقسى من الانواء الجوية الحاقدة، وابناء بلاد ما بين النهرين، يعانون من الظمأ المر القاهر، ويحفرون آبارا جوفية في عمق الصحراء، ويطمحون بتوزيع الحصص المائية بطريقة عادلة .( الزمان هواي قاسي/ واليزيد من التصحر والقحط والداي وسنين اليباس/ الفقر والجوع والاحزان والتخريب والوضع السياسي/ وانته تقبل ناسك تعيش بامان/ وانه ميته من العطش والضيم ناسي/ وانته تقبل طافح بكل ماي كاسك/ وانه فارغ من لذيذ الماي كاسي/ تكطع الماي وتسوي ذنوب حفنه/ من اكلك هذا فعلك ما يصير/ تصرخ بوجهي وتكول بكل صلافه/ اليصلي وتاب للرب/ راح يغفرله الذنوب 

وراح يشطبله المآسي ).

نحن أصابنا الجنون من شدة المصائب، وطقسنا مثلنا مخبول، والشاهد غرابة الأجواء العراقية المتناقضة، فتارة تنزل الثلوج دون موسمها المعتاد، وتارة يهطل المطر بشكل متواصل دون انقطاع، وتارة نحلم في قطرة ماء واحدة .( يا طقسنه شبيك مجنون وغريب/ مره نص شهر اثنعش روحك تلوج/ مره شهر العاشر وطاحت ثلوج/ مره شهر الخامس وذاك المطر ينزل رهيب/ مره اكثر من جدب بالروح طاف/ واحنه دون الماي عالمنه جديب/ واحنه دون الماي عالمنه مريب/ واحنه دون الماي عالمنه كسر وزني وزحاف ). 

البيت الانيق يدل على ذوق ساكنيه، والبلاد النظيفة أزقتها وأسواقها ومشافيها وجامعاتها، دليل على حب الناس اليها، فخير تعبير للانتماء إلى الاوطان، الاهتمام بنظافتها وسحر الجذاب، والاجمل نصاعة الارواح والضمائر .( لو نظيف الحي دليل/ انتماء الروح لتراب الوطن هذا الجميل/ لو قبيح البيت يعني/ انسلاخ الذات من كلشي اصيل/ والنظافه بكل زمن عنوان للحب والهدايه/ وانته يشكر كل وكت مثل العرايس/ لامع وتضوي الملابس/ روحك الحلوه النظيفه من الدسايس/ صارت بليل الحقد للناس آيه ).