أدورنك
![...](/uploads/posts/2023-06/1687364841_1.jpg)
جعفر فالح البهادلي
عايش بيه سومر بابل وآشور ياهو اليمحي آثارك
وآنه چم جنة صحتلي عفتها وملتهي بنارك
وانته وياي
هواااي انته .. هاي الروح فتحة ناي
وانته وياي
ادور رضاك كالياقوت جوه الماي
وكبل گتلي : اسمعت صوت النمل لكن ..
صريخ بروحي متسمعه
بكلب والد يهم بعياله ادورنك
لچن متناسي
حدر ضلوعه چم وجعة
وارد بأفراحي ادورنك
بصواني الحنه اشوفنك
بالسندان احسنك
واذا هوية تحرك الياس
تجي عيونك
وأصيح امي وهلي اليمي
يشوفونك لكن ما يشوفنك
وآنـه الوهمان شافوني
ويمر طاريك يگطع كل فرض هدنه
يمر طاريك واتعنه
اجي جية مطر بالريح
ماتدري شحصل بامره گبل ليطيح
شكثر متلاوي وي الغيم وي الريح
وانا دنياي تمطر ليل
بس باگي ادورنك
ادورنك نده اعله الروج
رساله بنص بحر مدري بحضن يا موج
ومن الگاك ما عاتب
لچن بالطيف شي ثاني
اذا فزيت من نومي الهب نار
تحرك كل سجلاتي
ماتقبل تسجلك بالحلم غايب
واذا ماجيت.. بالبسكوت الم الباقي من روحي شمع لليل
واروح لديرة المامش بلكي الكه اثر للنوك اثر للخيل
وادورنك لاجل روحك لاجل روحي رضيت الموت
وداع الجثه لو طول تواليها يحملوها بجنح تابوت
صفحتك خايف اطويها
رغم عايش الم وبعاد
اخاف تعود ماتلگه
انـه مثل الحلم مرتين ماينعاد
تظل الكاع نفسها الكاع
رغم شايفها تتغطر
طبع الماي بالشلال
من طخيت الك هـ الراس
لجل تدوم لجل تكبر
واذا رايك توالم وي راي الناس
شتترجه وادريهم عگارب بر
ودورت شكثر بالناس
ماصحالي موقف زين للخنجر
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة