بمناسبة اليوم العالميّ للسلام
![...](/uploads/posts/2023-09/1695240341_1.jpg)
سعد صاحب
لا شيء جيد في الحرب، كل ما فيها مضرة، ودمار شامل في الأرواح والمنازل والممتلكات والأحلام والاماني، إنها خراب في خراب، ورحلة طويلة لا تنتهي من الدماء والتهجير والنزوح، والعجب لمن يراها بهيأة فتاة جميلة، وهي أكثر رعبا حتى من الجحيم.
( الحرب يعني الدمار/ الحرب يعني الحصار/ الحرب عكس الأمل عكس الأماني/ الحرب عكس التصافي الحرب عكس الصلح/ بالحرب ماكو ابد كل انتصار/ بالحرب ماكو ابد فوز وربح/ بس خراب وبس عذاب وبس غياب/ بس جثث محترگه جانت بين ماي وبين نار/ بس هذاك الراس بالطلقات دامي ومنفتح/ بس بيانات وخطب قاده مريبه/ بس منايا ادور بالساحات من وكت الصبح/ بس عصافير الفرح جانت غريبه/ بس جرح يحضن على الساتر جرح/ بس هذاك الباب ينسد ينفتح للموت باب/ بس جدم خنزير يمشي اعلى الملح/ بس صور وكتاب طاحن من حقيبه/ بس عطر نفنوف احمر بس گصيبه/ جنها مثل اذويل طيارة ورق مثل الجنح/ جابها الجندي الوفي تذكار من بيت الحبيبه/ حتى خاف يموت بجفوفه اثر منها يصح ).
أسلحة
الحرب تفجر مواهب الإنسان في التدمير، وتدفع هذا العقل الجبار لصنع الأسلحة، كي يتقاتل الناس في حروب طاحنة، وربما أنت تحارب في ظراوة ولا تدري لماذا؟ وربما تقتل شخصا في الجانب المقابل، وهو كائن مظلوم يسكن في الايجار، يعاني من الديون الكثيرة، وله أولاد سبعة وزوجة بائسة.( الحرب فد وحده ثوله وبت حقود/ الحرب عالم مريب/ الحرب بيد الاكابر/ من رجالات التحب كلشي تبيد/ من جمال ومن زهور ومن قوارير واواني/ من رصاص الصاب ساعات الفجر حلوات غيد/ من بحر تيزاب كل شاعر يذيب/ الحرب مو بيد جندي من المراتب/ الحرب بيد العقيد/ الحرب بيد العميد/ الحرب بيد المهيب/ لو يعوفون الحرب بيد الجنود/ جا يذبون السلاح وشالوا أنواع الورود/ جا يحبون البنات من الشفايف والخدود/ جا نعيش بكل امان/ جا نعيش بكل حنان/ ما تشب نيران لا واحد جنح طيره يصيب/ كلهه ترجع للمنازل/ بالأغاني وبالهلاهل/ كلنه نرجع سالمين اعلى العراق/ لا اسير يروح واحد للجبل ذاك البعيد/ لا جريح ولا شهيد بيوم ننطي ولا معاق ).
وحيد
لا يشعر بالحرب إلا من ذاق ويلاتها، ولا يعرفها إلا المبتور منه عضوا من الجسد، أو مضى اسيرا مقيد اليدين، أو من فقد ابنا وحيدا، لا تعوضه خزائن الأموال، ولا تعود به إلى البيت، تلك الأنواط الحديدية البراقة، ولا الهدايا والنياشين الزائفة.( الحرب ذله وعفونه وروح مجروحة كرامه وكبرياء/ الحرب تعرف مرارتها اذا تطفه عليك الكهرباء/ الحرب بيها تحس لو ماي عن دارك يشح/ من تخم بالبيت ماتلكه شعير ولا قمح/ والسلم ضد القهر والجوع ضد من الذبح/ والحرب نار اعلى نيرانك تزيد/ من يجي بتابوت حد بيتك شهيد/ ابنك الثوري المشاغب/ ابنك الغالي الوحيد/ تبقى ما تدري اشتسوي/ مدري تحمل بيدك الشمعه وتضوي/ مدري تصرخ مدري تلطم مدري تضحك مدري تعوي/ مدري تهتف من عذابك بالمشارب/ مدري تدري وعيب تدري شما تريد/ مدري من شافك تشتم بالحروب يكول شارب/ مدري تگضي الباقي من عمرك شريد ).
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة