علي حمودي الخفاجي
بقن چم عام
لاتستعجل
امهلهن
عله ساعه اويودعهن گلب متعوب
خليهن اويايه
ليش اهملهن؟
ادريهن عجايز
مايخلفن توم
كبرن...
خلّفن...
صارن حضن جدات
ياشاعر بعد يگدر ايغازلهن
شعرهن واللبن فد لون
يامغزل ابعوده اتريده يغزلهن
دخليهن رمز للشيب
من الشعر الاسود ليش تعزلهن
مابيهن ورق يرهم رسايل شوگ
ونته اتريد للعشاگ ترسلهن!!
اوتدريهن عزيزات اعله گلبي
تاج فوك الراس
والراس ابرغبته اليوم شايلهن
بقن چم عام
لتذكّر الموت اويجي
ويشلهن
ونه امداري اعيوني ابضحكة السمّار
ادري العمه لو مرهن ايعلعهن
وونّس جدمي بالطلعات
نوبه. اهنا
اونوبه اهناك
كل عام ابلد
تلگاني ناگلهن
حفّار الگبور ارجوك لتذّكره
تره ماكو شغل وبساع يشغلهن
خليهن نوارس عالبحر
عالماي..
عالوجه الجميل
اهناك... ونحلهن
بقن چم يوم
شايفهن بحر
يفترن ابعيني
ونت اتريدني
اهجر سواحلهن؟!
