عباس الغالبي

كالولي عرك جفك نسيته اكبال عتبتنه
كابلت العمر ع الباب
كالولي نسيت اغنيتك المثلك على البيبان
صغت كلبي جرس ع الباب
كالولي بعد مامش شعر ترجفله كمريه
جبت وجهك واجيت اتراب
نطرنه الحيل يمطر حتى نضحك طين
ضحكة هوى املاكي الشمع بالسرداب
غريب الحرك ياروحي
يريدوني اوصفلهم عمه العطاب!
جاوين المجان التلكه بي جفك؟
اشما شوف النهر يصفن اذب روحي
وارتاح برجفته التمسح اصورك
يجي يوم وتمرك ساجيه لهمك
واتوسل جرف شابكله سباحه
واهد روحي
ولا هدك