كامل العتابي
روحي ناي..
وهضم تعزف مستحاي
روحي ناي... وجرحي يرفض كل غناي
جرحي يرفض مشتهاي
وليل شباچ المحله....الفاطن لشوگي وغواي
طيوفه من مرّتني وحشه....وضيّها مابيه مشتهاي
چلمته بعيني عتاب.....وصورته توادد صباي
صوره عاشگ كل حسنها
تنام بعذيبي وشمال
ترفه من عشرة دلال....
الوكت غيّب همسها......والمحب ماظنه جاي
تاه بدروب الغياب
لملم افراح الشباب
لانبع عين المشالي...........ولانجم هل بسماي
ولافرح جدمه اعله دربي....شمع ويمسي بضواي
روحي ناي........
وسامرت چم ديره غربه
عاشرت طير المهاجر
دوّرت من گدها ناطر
وانذرت وكت الغروب..... كون من روحي اتوب
انه واحد والعيون اهوايه...... مثل طفله التيهت بولايه...... الصحبه والخوه سراب...... هموم ودموع وعتاب
وهلبت اشواگ العافيه.... تمرني ترفه وصافيه....
وتكثر احلامي الدافيه.... وناسي تعرف مستحاي
روحي ناي....... وجرحي كل همي وغواي
جرحي يرفض مشتهاي........
