نجم جناز
ثقافة شعبية
2019/07/05
![...](/uploads/posts/alsabaah-15321.jpg)
+A
-A
منتظر جمال
انا خايف جسمي يرجف سعفه صاير
گلبي حاير
جروحي صعدن چن مناير
وانا خايف
رمح هجرك بيه يبقى
وانت تدري ساعة الليل بغيابك
الميل ينصب مشنقه
وبيك اموتن والنجم جناز يمشي
والم عمري الباقي مني شمعة بيدك
ارد اعيش انه بوريدك
حطني يمك كلشي اقبل
حطني چن شامه اعله جيدك
ها حبيبي شو بطيت راح اموتن
وانا كاتب دمع عيني وبي وصيه
وانت تدري ما اعوفك
واجب اتنفذ الوصية
عفيه لا تبطي عليه
من تزتني المغربيه
حتى لو انت تزتني جنازه بيدك
انا افرح چي بديك وراح اشوفك
أرد اشوف شلون من تبچي عليه
ارد اشوف بروحي يمك هم عزيز
احلى ساعات العمر من تمشي بيه
ومن تنزلني الگبر الزم اديه
انثراتراب المنيه
صبلي من عينك على خدودي شويه
بلل الگذله بدمعتك
ابقى يمي يا حبيبي انت شوراك
انا اريد احفظ نظرتك
حتى من هناك اشوفك
بعالم الذر مااعوفك
حتى لو انت ابجهنم مااعوفك
وهسه گلي يا حبيبي حتى أفهمِك
راح نبقى اعله الوعد
لو يعجبك غير منظر
وبقت يمك وبقت يمك
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة