شعراء الحي يتبارون في مضمار (موال) غير منقط
![...](/uploads/posts/2024-08/18.jpg)
عادل العرداوي
قبل ( 35) سنة وتحديداً في بداية عام / 1990 وقعت بيدي مناظرة شعريّة جميلة لخمسة من شعراء مدينة الحي / محافظة واسط تباروا فيها عبر خمسة أبيات من الموال / من نظمهم فيها شيء من الابتكار وذلك أن تلك الموالات الحياوية لاتتضمن اية ( نقطة) وتلك ميزتها وخصوصيتها ..
وجدت من المناسب بأن نسلط الضوء عليها عبر صفحتنا الزاهرة( ثقافة شعبية ) ونقدمها للقراء ولمحبي هذا اللون من الشعر الشعبي العراقي ..
فالبيت الأول منها للشاعر محمد الصالح يقول فيه :
راح الاوده وسره وگطع حدود وعده
ولما سره ماسدر لملم حلاله وعده
وگاع الوصلها وحل كلها لصوص وعده
رك وهلك والعده مردوا احواله مرد
حكم العده لو وله ولو دار ماله مرد
كل هالدلال وطلع عاطل وماهو مرد ..!
( ولاهو صدوگ وطلع صادگ او اده عده ..)
فيما جاره الشاعر محمد الحاج غالي الواسطي بالاتي :
حلو الرسوم العصر مر للسلام وهلا
هاك الدمع صد إله هالسال دم وهلا
سار الاوده ورحل راح العمامه وهلا
( محمد الصالح) ورد كل عمره صام وصله
موال وداه حلو گوه الوداد وصله
موال ارسل اله رد اعله گوله وصله
( الله اهلال السعد حطله وسام وهله..)
- فيما شارك الشاعر حسن حميدي العسكر بهذا البيت :
- سار او مساره ولگه وحصل على حالها
- صر الهواهم دحس روحه وهو حالها
- واعله الموده وصل ودرك لعد حالها
- صال اوصل مگصده وللعله حصل دوه
- ولما دره هم دره صر للمسامع دوه
- ها ها صداها طره اعله الگاع طاح ودوه
- ( ولو صاح محد گدر گط للعدم حالها )
- واجاب الشاعر جواد جعفر السكر :
- مر الاوده وگصد الدار اهل الهوه
- والله حال العگل حال السره للهوه
- عالصاح حال العگل حال السره للهوه
- ملوه كل الاهل والراح گالوا ورد
- دلال صاح الولد گصده كلامه ورد
- مسرور كل الرآى والطول عود الورد
- ( ارحل وراهم وجد مهما اعصار الهوه ..)
- واخيراً اجاب الشاعر سعد جاسم الجادري بهذا الموال:
- كاس الموده عسر للماله طاگه ومر
- ومسه اعله كل المله وارد اداءه ومر
- اسرا الرسول ورحل لهل الاوده ومر
- للصحرى طر وطوى لاهول عاگه وسر
- حامل معاه الطرس مله طلاسم وسر
- لما قراه ودره معلول هلهل وسر
- ( گال وسمعها العدو ارده عساه ومر ..).
أخبار اليوم
![](/uploads/posts/2024-08/09b4b0c0-cc77-457b-9c17-e3965cf4ab56.jpg)
مراقبون تونسيون لـ"الصباح": زيارة السوداني مهمة لتعزيز العلاقات الثنائية
2024/08/29 الثانية والثالثة