بسيم عبد الواحد

لو أفك بيبان گلبي

وينحچي الما ينحچي

ترمد عيون السمه من البچي 

اضحك ابوجه اليعاتب 

وحيرتي بگد المصايب 

ماعدي حايط صلب 

خاطر عليه انتچي 

نوميني يايمه اعله صدرچ 

انه اريد ارتاح 

شرد اسولف 

وهنه فوگ الگلب 

هالغافيات ارماح 

اشلون ابوس الشجر 

وماعدي فرد اجناح 

شو هو نفس البشر والزمن 

چاليش شنهي اختلف

الباگ سوگه صعد 

والماتدنه انتلف 

تخزرني عين الگبح 

وبكل وكاحه وصلف

بوتار جرحي الملح 

يحلاله ثاري العزف