يوسف المحمداوي
ضحكتــك مسبّــحة كهرب…
تكهربني؟
الك مسموح حتى الموت يا بدري…
ضحكتك عود يطرب….
والمغني يصيح …سكتو الناي..
زفة ماي…
والحنطه عروسه..
والمحنه هواي… ما چان الوكت عصري…
عمارتلي الفرح مصيوغ تدري منين…؟ من ريش الخضيري و طينة الحري ….
بضحكتك ينگلب عاگولنه جوري…
وأشوف الماي بوسه بحلگ ناعوري…
ويرد مثل الطفل كبري…
واسمع لوم …
اسمع …
وانطرش بالنوم..
وأگل للوم …حان الصوم… ما يصغيلكم صدري …
خليني بضحكتك ديرم حديثات…
هاي امنيتي من زغري…
غنّي محمداوي،وشوف گلبي المات؟
يرگصلك هچع سكران من گبري…
غنّي محمداوي وشوف چم مسعود…
چم منكوب ….
چم سعدي …
يغني وياك …ياخمري…
خليني بخيالك شوگ عتبة باب..
لو شباچ غرفة نوم …
چرچف أو مخدة نوم..
لتخاف العذل واللوم …
ما تتحايل عيون الهوى العذري…
ضحكتك تمسح دموعي بهدم صبري….
واصيحن عيد؟
ومن تضحك…
يجيني العيد…
واتمرجح بفي صدري…
واطلگ صفنة الوهواس …
