سلام الكريزي
ما اردلك بعد ويكَودني الكَيظ
فَيَّك من يطيح الليل ينباكَ
عثرت ولا سمعت اسم الله وتهون
حجل المات صوته الخْلَّه بالساكَ
فايضلك تعب ريح بكَفه شراع
حيلي وياك يبدي بطرة الشفاكَ
كَناطر لليباس النيه وياك
اعبرنك وأرد والكاك عالراكَ
مشرعب خلكي صاحي بنص مجانين
عليه انته وزماني بركضة سباكَ
كتلك مثلي صير وكلت ما اصير
حبل بساكَ ناكَة كَدارك شباكَ
ماتعله ويغثك طاري الجناح
حدر الكاع راسك بالدفن لاكَ
تبرزل خلي طبعك ضَوكَك الصيت
حلاتك بالسوالف خلها تنضاكَ
لا موقف الك لا فزعة وياي
لا صوتك ثغبلي ولا هدم شاكَ
مو حتى اليريد يموت بيه صوت
بعينه يسولف شلون النفس ضاكَ
شردلك وانا اعرفك تهوى الكَياش
نِفسَكْ ما يعبرك خوفك العاكَ
الك كاسر كَفاي معيبرك جان
مثل ملكه الضوه البالماي جن طاكَ
