موعود قاسم

خوفتني ...

السدره من اهتز غصنها ...

وانا متعود اهنا اوگف

 لچن مدري شتاني 

واجفلت من الضوه الحط عله راسي 

تكترت ... شاورت ضلي

 وبدلت ويا مچاني ...

متاني 

والدنيا تمر حر و برد 

واگف و شايل جنطتي 

لا مسافر لا متاني احد يرد ...

ليل اشهب ...

والقميص اليعتگ تهزله الايام الما سهرهن

و تنعكر دمعاتي و اتبسم و افلهن ...

رهمت دمعي يسولف ... خايف انباع بسكوتي 

حكمو عليه بعد ممنوع تحچي

وكلمن يصيح على السلطان باگ 

بيدي اتلمس رگبتي 

واضل انحب

هذا صوتي ... هذا صوتي 

خل اگلك .. 

سالفت ضيمك اذا ماسولفتها 

منها گلبك ينشلع ...

الدنيا وسخه 

وماينضفها الدمع

اهواي ناس العاشرونه ...

وچانت العشره مواسم 

شي بگد ماهم بساطه اتصفگ النهگت الظالم

وشي ابگد ماهم اخريه خوش اوادم 

ارد اولي ...

ارد ادور ناس ما تتونس الجيت الگحط ...

وبمكان البي غلط لو ردت حگك 

تلگه حته الصح غلط